ცნობილია - რომელ ადგილზე იქნება ხვიჩა "პსჟ"-ს ყველაზე ძვირადღირებულ ტრანსფერებში

მედიაში გავრცელებული ბოლო ცნობების მიხედვით, "პარის სენ-ჟერმენი" ხვიჩა კვარაცხელიას დამატებას აქტიურად ცდილობს. 

როგორც იწერება, ფრანგული კლუბი 80 მილიონ ევროს ამზადებს და აღნიშნულ ტრანსფერზე არც "ნაპოლი" იხევს უკან. 

საგულისხმოა, რომ თუ ეს ასე მოხდა, ქართველი შემტევი "პსჟ"-ს ყველაზე ძვირადღირებულ ტრანსფერების სიაში მოხვდება. 

კერძოდ ხვიჩა 80 მილიონი ევროთი მე-4 პოზიციას დაიკავებს და ამ მაჩვენებლით ისეთ ვარსკვლავებს გაუსწრებს, როგორებიც ედინსონ კავანი, უსმან დემბელე, მაურო იკარდი და ზლატან იბრაჰიმოვიჩი არიან. 

შეგახსენებთ, რომ "პსჟ"-მ ყველაზე ძვირადღირებული ტრანსფერი 2017 წელს განახორციელა, როცა "ბარსელონადან" ნეიმარი 222 მილიონ ევროდ შეიძინა.