ოფიციალურად: სანიოლი მსოფლიოს ტოპ მწვრთნელების ათეულში მოხვდა

საფეხბურთო ისტორიისა და სტატისტიკის საერთაშორისო ფედერაციამ მსოფლიოს 10 საუკეთესო მწვრთნელის სია გამოაქვეყნა. IFFHS-ის წარმომადგენლებმა ამჯერად ეროვნული ნაკრების თავკაცების საუკეთესო ათეული შეადგინეს და აღნიშნულ სიაში ვილი სანიოლიც მოხვდა.

2024 წელს საქართველოს ეროვნული ნაკრების მიერ ნაჩვენები შედეგებისა და ევროპის ჩემპიონატზე ისტორიული გამოსვლის შედეგად, ვილი სანიოლმა მე-9 ადგილი დაიკავა მსოფლიოს საუკეთესო მენეჯერებს შორის. სიას რა თქმა უნდა ლუის დე ლა ფუენტე ლიდერობს, რომლის გაწვრთნილმა გუნდმაც ევრო 2024-ის მოგება მოახერხა. ტოპ სამეულის დანარჩენი ადგილები არგენტინისა და საფრანგეთის ნაკრებების მწვრთნელებისგან დაკომპლექტდა.

ტოპ ათეულში სანიოლზე ნაკლები ქულა მხოლოდ ურუგვაის ეროვნული ნაკრების მწვრთნელმა, მარსელო ბიელსამ მიიღო. შესაბამისად, მეათე ადგილი სწორედ მან დაიკავა.