რა იყო მიზეზი, რის გამოც გიორგი მიქაუტაძე "ვილიარეალის" რიგებს შეუერთდა

29 აგვისტოს ოფიციალურად დადასტურდა, რომ გიორგი მიქაუტაძე "ვილიარეალის" რიგებს შეუერთდება.

მიუხედავად იმისა, რომ "ლიონს" მთავარი ლიდერის გაშვება არ სურდა, ტრანსფერი მაინც შედგა.

ისმის კითხვა, თუ რა იყო ამ გადაწყვეტილების მთავარი მიზეზი, რის შედეგადაც ფრანგები მთავარი კაცის გარეშე დარჩნენ.

მოგეხსენებათ, "ლიონი" სეზონის სტარტზე ფინანსურად საკმაოდ მძიმე მდგომარეობაში იმყოფებოდა, რის გამოც კლუბს ლიგა 2-ში დაქვეითება ემუქრებოდა.

საბოლოოდ ფრანგულმა გუნდმა მოახერხა ქვეყნის მთავარ ჩემპიონატში დარჩენა, თუმცა ფინანსური კრიზისი კვლავ უდიდეს პრობლემად რჩებოდა.

აღნიშნულ საკითხზე პრესკონფერენციაზე პაოლო ფონსეკამ ("ლიონის" მწვრთნელმა) ყურადღება არაერთხელ გაამახვილა და პრობლემის მოგვარების ერთ-ერთ გზად გუნდის ლიდერის სარფიან ფასად გაშვებას ასახელებდა. 

საბოლოო ჯამში ეს ასეც მოხდა - შექმნილი სიტუაციით "ვილიარეალმა" უმალვე ისარგებლა და ლიგა 1-ის გუნდს ოფიციალური შეთავაზება წარუდგინა. 

მხარეებს შორის დისკუსიის შემდეგ საბოლოოდ გადაწყდა, რომ "ყვითელი წყალქვეშა ნავი" ახალგაზრდა ქართველს 25 მილიონს + 5 მილიონი ევროს ბონუსებით გადაიბირებდა.

ეს თანხა კი ფონსეკას გუნდს ჰაერივით სჭირდებოდა, რითაც კლუბმა ზემოთაღნიშნული კრიზისგან თავის დასაღწევად დიდი ნაბიჯი გადადგა.