მესი საქართველოს მეზობელ ქვეყანაში გააგრძელებს კარიერას? - მედიაში საინტერესო ინფორმაცია გავრცელდა

ბოლო დღეებში გავრცელებული ცნობებით, თურქეთის გრანდი „გალათასარაი“ სენსაციურ ნაბიჯის გადადგმას გეგმავს — კლუბი მუშაობს იმაზე, რომ ლიონელ მესი ოთხთვიანი იჯარით დაიმატოს MLS-ის პაუზის პერიოდში.

სტამბულელები მზად არიან, ამ ოთხი თვის განმავლობაში არგენტინელი სუპერვარსკვლავის სრული ხელფასი თავად გადაიხადონ, რაც შესაძლო შეთანხმებას რეალურს ხდის.

ცნობილია, რომ თურქული კლუბი ამ გზით ცდილობს ჩემპიონთა ლიგაზე პოზიციების გამყარებას.

თუ შეთანხმება შედგა, ეს იქნება ერთ-ერთი ყველაზე ხმაურიანი ტრანსფერი ევროპულ ფეხბურთში ბოლო წლების განმავლობაში.