"პირველ ტაიმში დიდი გავლენა არ მოუხდენია" - რას წერენ კვარაცხელიაზე მედიაში ნიცასთან მატჩის შემდეგ

ლიგა 1-ის მიმდინარე ტურში პარი სენ-ჟერმენმა ნიცა გონსალუ რამოშის ბოლო წუთებზე გატანილი გოლით 1:0 დამაარცხა.

აღსანიშნავია, რომ პორტუგალიელს საგოლე პასი ხვიჩა კვარაცხელიამ გაუკეთა.

გარდა ამისა, ქართველს ვინგერს აქტიური თამაში ჰქონდა და პარიზელთა რიგებიდან ერთ-ერთი გამორჩეული იყო.

პრესა ხვიჩას თამაშს აფასებს:

Maxifoot – 6 ქულა: "პირველ ტაიმში დიდი გავლენა არ მოუხდენია. თუმცა, საკუთარ საჯარიმოში გადამწყვეტი როლი ითამაშა, როცა მეტოქის დარტყმის შემდეგ ბურთი კარის ხაზიდან გამოიტანა. მეორე ტაიმში ნიცას დაცვას უფრო მეტი პრობლემა შეუქმნა. რაც მთავარია, მატჩის ერთადერთ გოლში გადამწყვეტი როლი ითამაშა".

Culturepsg – 5 ქულა: "მისი შეხება ბოლოს გადამწყვეტი იყო. ბევრი იბრძოლა, მაგრამ დუელებში ისევ უჭირს".

Tribuna.com – 7 ქულა: "გადამწყვეტი თავით პასით, რასაც გოლი მოჰყვა. მეორე ტაიმში მარცხენა ფლანგზე ითამაშა, პირველი ტაიმი კი იმედგაცრუების მომგვრელი იყო, განსაკუთრებით მაშინ, როდესაც მარჯვენა ფლანგზე თამაშობდა. თუმცა, მეორე ნახევარში კატალიზატორის როლი იდეალურად შეასრულა. მისი საუკეთესო მატჩი სეზონში, ჯერჯერობით".

წყარო: Betsson.sport