რა გზა უნდა გაიაროს საქართველომ მსოფლიო ჩემპიონატზე მოსახვედრად?

სექტემბრის სანაკრებო პაუზა კარს მოგვადგა.

საქართველოს ნაკრები 2026 წლის მსოფლიო ჩემპიონატის საკვალიფიკაციო ეტაპს იწყებს.

ჩვენი გუნდი ამ პაუზაზე ორ უმნიშვნელოვანეს მატჩს გამართავს:

1. 4 სექტემბერი - საქართველო VS თურქეთი (დინამო არენა);

2. 7 სექტემბერი - საქართვთველო VS ბულგარეთი (დინამო არენა);

ჯვაროსნებს მუდნიალზე გასვლა ერთა ლიგიდანაც შეეძლოთ, თუმცა ჯგუფში 3 ადგილი დაიკავეს და B დივიზიონში სომხეთის დამარცხების შემდეგ ადგილი შეინარჩუნეს, რაც არც თუ ისე ცუდი შედეგია.

ახლა საფეხბურთო სამყაროს ყველაზე დიდ ტურნირზე მოსახვედრად მხოლოდ 1 და მთავარი გზა გვრჩება - საკვალიფიკაციო ეტაპი.

კარგად მოგეხსენებათ, რომ 4-გუნდიან ჯგუფში მოვხვდით, სადაც ჩვენი მეტოქე ზემოთ აღნიშნულ თურქეთთან და ბულგარეთთან ერთად, ესპანეთის ნაკრებიც იქნება, რომელიც უკვე ზედიზედ მესამე შესარჩევ ეტაპზე შეგვხვდა.

თითო გუნდთან საქართველო 2-2 მატჩს გამართავს - შინ და გასვლაზე.

მსოფლიო ჩემპიონატზე გასასვლელად ჩვენმა გუნდმა ამ ჯგუფში ან პირველი ან მეორე ადგილი უნდა დაიკავოს.

პირველ პოზიციაზეე გასვლა ტურნირზე პირდაპირ მოგვახვედრებს.

მეორე ადგილის დაკავებით კი 4-გუნდიან პლეი-ოფში გადავალთ, სადაც სხვა მეორეადგილოსნებთან ერთად ერთა ლიგის 4 საუკეთესო გუნდს შევხვდებით.

შესარჩევ ეტაპზე სულ 12 ჯგუფია, 12 პირველადგილოსანი პირდაპირ გავა ტურნირზე, მეორე ადგილოსნები და პლუს ერთა ლიგის 4 საუკეთესო გუნდი კი პლეი-ოფით გადაწყვეტენ ყველაფერს.

უნდა აღინიშნოს, რომ მუნდიალი ახალი ფორმატით პირველად ჩატარდება.

იქნება 16 3-გუნდიანი ჯგუფი, საიდანაც მხოლოდ პირველადგილოსნები მოახერხებენ პლეი-ოფში გასვლას.

იმედი ვიქონიოთ, რომ საქართველოს ნაკრები კიდევ ერთ ლამაზ ისტორიას გავჩუქებს.