როგორ გამოეხმაურა ქოჩორაშვილი კვარაცხელიასთან, ზარიასთანა და გადრანთან დაპირისპირებას

ჩემპიონთა ლიგის წილისყრის შემდეგ გაირკვა, რომ ყველაზე პრესტიჟულ საკლუბო ტურნირზე ორი ქართული დერბი გვექნება.

გიორგი ქოჩორაშვილის სპორტინგი ხვიჩა კვარაცხელიას პსჟ-ს უმასპინძლებს.

მეორე კი, ისევ ქოჩორაშვილის სპორტინგი გიორგი ზარიასა და ლუკა გადრანის კაირათს უმასპინძლებს.

ამ მატჩებთან დაკავშირებით, დიდმა ქართულმა საფეხბურთო გვერდმა, Geo Team-მა პოსტი გამოაქვეყნა, რომლის კომენტარებშიც, ქოჩორამ დაწერა:

"სამივეს დიდი სიყვარულით ვუმასპინძლებ... აი, შენ რა მოგიხერხო, არ ვიცი".

ეს კომენტარი, რა თქმა უნდა, ხუმრობითაა დაწერილი.

გიორგი Geo Team-ის დამფუძნებელს, საბა საპანაძეს მიმართავს, რომელიც ქართველ ფეხბურთელებთან ჩადის და მაყურებელს ბევრ საინტერესო კონტენტს სთავაზობს.