ცნობილია - როდის დაუბრუნდება მოედანს გიორგი ჩაკვეტაძე

უდინეზეს გიორგი ჩაკვეტაძე ოფიციალურად წარადგინა და პრესკონფერენცია მოუწო.

აი რა თქვა საქართველოს ნაკრების ფეხბურთელმა:

“იტალიაში თამაში ჩემი ოცნება იყო. ვოცნებობდი სერია A-ზე. უდინეზე დიდი კლუბია, მდიდარი ისტორიით და ძალიან მიხარია, რომ აქ ვიმყოფები.

მოედანზე ჩემი საყვარელი პოზიცია “ცხრიანია”, თავდამსხმელის უკან. შემიძლია ვითამაშო ფლანგზე ან ნახევარდაცვის ცენტრში. რაც შეეხება ჩემს ტრავმას, ვმუშაობ, რამდენიმე დღეში უკვე სირბილს შევძლებ, რამდენიმე კვირის შემდეგ კი იმედი მაქვს, რომ გუნდსაც შევუერთდები.

ჩემი ახალი თანაგუნდელებიდან ძანიოლოს გამოვარჩევ - ბრწყინვალე მოთამაშეა, რომელსაც შეუძლია გოლის გატანაც, დრიბლინგის შესრულებაც. დიდებული მცველია სოლეტი. გუნდში არაერთი კარგი ფეხბურთელია. ბევრი გოლის გატანას ახერხებდა დევისი და მისი დონე ვარჯიშებზეც ჩანს.

სერია A-ს რამდენიმე თამაში ვნახე. ბევრი გუნდი ხუთკაციან დაცვას იყენებს. ამ ლიგაში ტაქტიკას უდიდესი ყურადღება ექცევა და ეს ჩემთვის დიდი გამოწვევა იქნება”.