"კვარაცხელიამ აშკარად დაამტკიცა, რომ..." - რა იწერება ფრანგულ მედიაში ხვიჩას სპორტინგთან პერფორმანსზე

ჩემპიონთა ლიგის მეშვიდე ტურში პარი სენ-ჟერმენი ლისაბონის სპორტინგთან ანგარიშით 2:1 დამარცხდა.

ხვიჩა კვარაცხელია მინდორზე 66-ე წუთძზე გამოჩნდა, როცა ანგარიშით 1:0 იყო.

ქართველმა შემოსვლიდან 13 წუთში ულამაზესი გოლი გაიტანა და ანგარიში გაათანაბრა, თუმცა ეს გუნდს გასამარჯვებლად არ ეყო.

კვარას კარგ თამაშს ფრანგული გამოცემა LeParisien ეხმაურება:

"შურისძიება უნდოდა? სურდა, თავისი მთავარი მწვრთნელისთვის დაემტკიცებინა, რომ სასტარტო შემადგენლობაში ადგილს იმსახურებდა? ხვიჩა კვარაცხელიამ, რომელიც თამაშში სათადარიგოთა სკამიდან ჩაერთო, აშკარად დაამტკიცა, რომ ტოპ კლასის ფეხბურთელია.

74-ე წუთზე, ლუის სუარესის გოლის შემდეგ, პარი სენ-ჟერმენი მდევრის როლში აღმოჩნდა და ქართველმა გარემარბმა წონასწორობა საოცარი დარტყმით აღადგინა. უსმან დემბელესგან მიღებული პასის შემდეგ კვარაცხელიამ თავისი მეურვე ჩამოიშორა, ცენტრისკენ შეიწია და მარჯვენა ფეხით, მეკარისგან მარცხენა მაღალ კუთხეში ბრწყინვალედ დაარტყა.

ეს გოლი ხვიჩასთვის მიმდინარე სეზონში მეშვიდეა. მან ჩემპიონთა ლიგაზე ატალანტასა და ლევერკუზენს გაუტანა, საკონტინენტთაშორისო თასის ფინალში ფლამენგოს კარი აიღო და ლიგა 1-ში ლიონთან და რენთანაც გამოუჩენია თავი. მის ანგარიშზე 5 შედეგიანი გადაცემაა,“ - წერს Le Parisien.