6 საათის და 32 წუთის წინ
Mshvildadze Nikolozi
Aa

"ძალიან თანაბარი დაპირისპირება იყო, მაგრამ მე მაინც ამას ვფიქრობ" - მერაბ დვალიშვილი

UFC-ის ქართველი მებრძოლი მერაბ დვალიშვილი ალექსანდრე თოფურიასა და სანტიაგო ლუნას შორის გამართულ დაპირისპირებას გამოეხმაურა და შეხვედრის შედეგზე საკუთარი მოსაზრება გამოთქვა.

შეგახსენებთ, რომ 21 ნოემბერს, კატარის დედაქალაქ დოჰაში გამართულ UFC-ის ტურნირზე ალექსანდრე თოფურია მექსიკელ სანტიაგო ლუნასთან მსაჯთა გაყოფილი გადაწყვეტილებით დამარცხდა.

მერაბ დვალიშვილის აზრით, დაპირისპირება საკმაოდ თანაბარი იყო, თუმცა გამარჯვებას ქართველი მებრძოლი იმსახურებდა.

„ვფიქრობ, ეს ბრძოლა თოფურიამ მოიგო. ძალიან თანაბარი დაპირისპირება იყო. ალექსანდრე კარგი მოჭიდავეა, მაგრამ დღეს ძირითადად კრივით იბრძოლა. ვისურვებდი, თავისი ჭიდაობა უფრო მეტად გამოეყენებინა“, – განაცხადა დვალიშვილმა ნინა მარი დანიელის პირდაპირ ეთერში.

აღსანიშნავია, რომ შეხვედრა სამივე რაუნდს გაგრძელდა. მიუხედავად იმისა, რომ თოფურიამ მეტოქის წინააღმდეგ რამდენიმე ეფექტური ეპიზოდი შემოგვთავაზა, საბოლოოდ მსაჯებმა გამარჯვება ლუნას მიანიჭეს.

ამგვარად, ალექსანდრე თოფურიამ UFC-ში ჩატარებულ მესამე შეხვედრაში პირველი მარცხი განიცადა. მერაბ დვალიშვილი კი მიიჩნევს, რომ ქართველს ბრძოლის მიმდინარეობის შეცვლა საკუთარი საჭიდაო შესაძლებლობების უფრო აქტიურად გამოყენებით შეეძლო.