ევრობასკეტის წინ საქართველოს ნაკრებმა მორიგი მატჩი წააგო

საქართველოს კალათბურთელთა ნაკრებმა ევრობასკეტისთვის მზადების ციკლში მე-4 საკონტროლო მატჩი ჩაატარა და ისევ დამარცხდა. 

ჯიკიჩის გუნდმა პირველ შეხვედრაში ისრაელთან 66:76 წააგო, შემდეგ იყო წარუმატებელი თამაშები ესტონეთთანა (70:75) და ლიეტუვასთან (77:54). 

14 აგვისტოს კი, ქართველი კალათბურთელები სოსნოვიეცში პოლონეთთან 89:94 დამარცხდნენ.

აღსანიშნავია, რომ ამ მატჩშიც არ მიუღია მონაწილეობა საქართველოს ნაკრების კაპიტან თორნიკე შენგელიას, რომელიც პირადი მიზეზების გამო ესპანეთში იმყოფება. 

როგორც ირკვევა, კაპიტანი ეროვნულ გუნდს რამდენიმე დღეში ჩეხეთში დაგეგმილ შეკრებაზე შეუერთდება.