ცნობილია - ვის და როდის დაუპირისირდება ლევან საგინაშვილი მომდევნო მატჩში

მკლავჭიდის სამყაროში წლის ყველაზე დიდი მოვლენა ახლოვდება — ქართველი გიგანტი, ლევან საგინაშვილი და იტალიელი ვარსკვლავი, ერმეს გასპარინი, ერთმანეთს ივნისის ბოლოს დაუპირისპირდებიან

ეს შეხვედრა გულშემატკივრებისთვის განსაკუთრებულ ინტერესს იწვევს, რადგან ორივე სპორტსმენი მკლავჭიდის ელიტას მიეკუთვნება და წარსულშიც არაერთი დაუვიწყარი ბრძოლა შემოგვთავაზეს.

ლევან საგინაშვილი, რომელიც მკლავჭიდის სამყაროში დაუმარცხებელ ძალად მიიჩნევა, წლების განმავლობაში დომინირებს საერთაშორისო ასპარეზზე. მისი ფიზიკური მონაცემები და ძალა კონკურენციის მიღმაა — საგინაშვილი არა მხოლოდ ტიტულების კოლექციით, არამედ დაუმარცხებელი სერიითაც გამოირჩევა.

თუმცა, ერმეს გასპარინი ერთ-ერთი იმ იშვიათ სპორტსმენთაგანა, რომელიც ლევანს სერიოზულ წინააღმდეგობას გაუწევს. გასპარინი ბოლო წლებში საოცარ ფორმაშია და არაერთ ძლიერ მეტოქეს სძლია. მისი ტექნიკა, სისწრაფე და გამძლეობა ამ დაპირისპირებას კიდევ უფრო საინტერესოს ხდის.

შეხვედრა ივნისის ბოლოს გაიმართება, კონკრეტული თარიღი და ლოკაცია კი ორგანიზატორების მიერ მალე ოფიციალურად გამოცხადდება. ერთი რამ ნათელია — ეს იქნება ბრძოლა, რომელიც არ უნდა გამოტოვოთ!

იტალიელმა სპორტსმენმა დაპირისპირებაზე თავისი აზრიც დააფიქსირა: "ივნისის ბოლოს საუკეთესო ფორმაში ვიქნები, რაც კი ოდესმე ვყოფილვარ"