92 ტიტულის შემდეგ, ნადალმა კარიერა დაასრულა

1080 მატჩის ჩატარების შემდეგ, ლეგენდარულმა ჩოგბურთელმა გულშემატკივრებს გულთბილი მესიჯით კარიერის დასრულების გადაწყვეტილება გაუმხილა. 

ვეტერანი სპორტსმენის ანგარიშზე ჯამში 92 ტიტული და არაერთი დასამახსოვრებელი მომენტია. მრავალი წლის განმავლობაში, ჩოგბურთის ერთ-ერთ ყველაზე დიდ ინტრიგად სწორედ ნოვაკ ჯოკოვიჩის, როჯერ ფედერერისა და რაფაელ ნადალის პაექრობა ითვლებოდა. თუმცა, ლეგენდარული ტრიოდან მომავალ სეზონში უკვე მხოლოდ ჯოკოვიჩის თამაშის ხილვა შეეძლებათ გულშემატკივრებს.