შერმადინი ტენერიფეში რჩება - კონტრაქტი ოფიციალურად გახანგრძლივდა

გიორგი შერმადინი მომავალ საკალათბურთო სეზონსაც „ტენერიფეს“ შემადგენლობაში გაატარებს. ესპანური გუნდის წარმომადგენლებმა ქართველთან დადებული ხელშეკრულება კიდევ 1 წლით გაახანგრძლივეს. 

აღნიშნული გადაწყვეტილება გასაკვირი არაა, რადგან შერმადინი ესპანური კლუბის ისტორიაში ერთ-ერთ საუკეთესო მოთამაშედ ითვლება. მან 2020-21 და 2022-23 წლების საკალათბურთო სეზონში "ლიგა ენდესას" MVP-ს ტიტული დაიმსახურა, წინა სეზონში კი იგი ესპანეთის ჩემპიონატის ხუთ საუკეთესო კალათბურთელს შორისაც დაასახელეს. 

შერმადინს ესპანური კლუბის მაისურით ჯამში 258 მატჩი აქვს ჩატარებული და ესპანეთის ჩემპიონატში ჯამური სარგებლიანობის კოეფიციენტით პირველ ადგილსაც იკავებს. მან ასევე „ლიგა ენდესას“ კვირის მოთამაშის სტატუსი 22-ჯერ დაიმსახურა, ხოლო თვის MVP 13-ჯერ გახდა.