ჰუმელსი რომაში გადავა - ხელფასის შემცირების სანაცვლოდ

„რომა“ მომავალ სეზონში ევროპის ლიგაზე სათამაშოდ მზადებას განაგრძობს. იტალიური კლუბის სპორტული დირექტორი გუნდის გაძლიერებას მატს ჰუმელსის დამატებით გეგმავს. იგი უკვე ესაუბრა 35 წლის მცველის წარმომადგენლებს. წინასწარი შეთანხმების მიხედვით, იტალიაში თამაშის სანაცვლოდ ჰუმელსს 2+1 წლიან ხელშეკრულებას სთავაზობენ.

გერმანელი ფეხბურთელი ყოფილ კლუბში 3.5 მილიონ ევროს იღებდა ანაზღაურების სახით. თუმცა, იგი მზადაა „რომაში“ თამაშის სანაცვლოდ უფრო ნაკლებ ხელფასსაც დათანხმდეს. ჰუმელსმა „ბორუსია“ 13 წლიანი თანამშრომლობის შემდეგ, გასულ კვირაში დატოვა.