გიორგი ჯაბნიაშვილი 23-წლამდელთა შორის ევროპის ჩემპიონია

ძიუდოში საქართველოს 23-წლამდელთა ნაკრების წევრმა, გიორგი ჯაბნიაშვილმა მოლდოვაში მიმდინარე ევროპის ჩემპიონატზე 90 კილოგრამ წონით კატეგორიაში ოქროს მედალი მოიპოვა.

ქართველმა სპორტსმენმა ფინალში მასპინძელი მიხალ ლატიშევი დამატებით დროში დაამარცხა. ოთხმა წუთმა ისე ჩაიარა, მეტოქეებმა გდება ვერ შეასრულეს.

დაინიშნა დამატებითი დრო, რომლის მე-18 წამზე ჯაბნიაშვილმა მეტოქე კონტრილეთზე დაიჭირა და ევროპის ახალგაზრდულ ჩემპიონატზე საქართველოს ოქროს მედალი მოუტანა.