"პასუხი გასცა სრულიად FIFA-ს" - როგორ ეხმაურებიან "პსჟ"-ს ფანები ხვიჩას წლის XI-ში არ შეყვანას

როგორც მოგეხსენებათ, საკონტინენტთაშორისო თასის ფინალში "პსჟ"-მ "ფლამენგო" დაამარცხა და ტიტულს დაეუფლა.

ამ შეხვედრაში ხვიჩა კვარაცხელიამ გოლი გაიტანა და გუნდს გამარჯვების მოპოვებაში დაეხმარა.

შეხვედრის შემდეგ "პსჟ"-ს ფანები ქართველ ფეხბურთელზე ალაპარაკდნენ.

"ხვიჩამ პასუხი გასცა სრულიად ფიფას, რადგან ის საუკეთესო თერთმეტეულში არ შეიყვანეს.

"იმედია, FIFA-ში ხვდებიან, რომ ხვიჩა მსოფლიოს ერთ-ერთი საუკეთესო შემტევია და XI-ში ადგილს იმსახურებდა.

"როდესაც საუკეთესო XI გამოქვეყნდა, ვიფიქრე ხვიჩა რატომ არ არის-მეთქი. დღეს კვარამ ისინი დაადუმა.

"არ შეიძლება, როდესაც ჩემპიონთა ლიგის და საკონტინენტთაშორისო თასის ფინალში გოლს იტან და საუკეთესოებს შორის არ ხვდები, ეს არასამართლიანია", - წერენ "პსჟ"-ს ფანები სოციალურ ქსელებში.