ცნობილია! - რა თანხას ითხოვს სპორტინგი გიორგი ქოჩორაშვილის სანაცვლოდ

ლისაბონის „სპორტინგის" ქართველი ფეხბურთელის გიორგი ქოჩორაშვილის მომავალი მიმდინარე კვირაში უნდა გადაწყდეს. ინფორმაციას პორტუგალიური გამოცემა A Bola ავრცელებს.

მოგეხსენებათ, რომ ქოჩორაშვილის ტრანსფერით ყველაზე მეტად ესპანური „სევილიაა" დაინტერესებული და გავრცელებული ცნობებით, ანდალუსიური კლუბი აღნიშნული გარიგების დახურვას ამ კვირაში შეეცდება.

A Bola-ს ცნობით, გიორგი ქოჩორაშვილის დამატებით, თავად „სევილიას" მთავარი მწვრთნელი ლუის გარსიაა დაინტერესებული, რომელიც ქართველს „ჯენოაში" გასხვისებულ ჯიბრილ სოუს შემცვლელად მოიაზრებს.

ამ მომენტისთვის გარიგებას სატრანსფერო ფასი აბრკოლებს. „სპორტინგს" უნდა, რომ გიორგის სანაცვლოდ 5.5 მილიონი მიიღოს, ხოლო ესპანური კლუბი მზადაა 4 მილიონი გადაიხადოს. მიუხედავად ყველაფრისა, „სევილიას" სჯერა, რომ ამ პრობლემას მოაგვარებს და ქოჩორაშვილის გადაბირებას შეძლებს.