ქართული ფეხბურთი
მსოფლიო ჩემპიონატი
ევროპის ჩემპიონატი
ერთა ლიგა
ჩემპიონთა ლიგა
ევროპა ლიგა
კონფერენს ლიგა
ინგლისი
იტალია
საფრანგეთი
ესპანეთი
გერმანია
ჰოლანდია
ქართული კალათბურთი
სანაკრებო
NBA
ევროლიგა
ძიუდო / ჭიდაობა
ოლიმპიური
ძალოსნობა
მკლავჭიდი
ავტოსპორტი
სხვა სახეობები
რამდენიმე დღის წინ ხვიჩა კვარაცხელიას უმცროსი ძმა, თორნიკე მიუნხენში გაფრინდა და ბაიერნის ხელმძღვანელობას შეხვდა.
როგორც ცნობილია, ბაიერნი 16 წლის მოთამაშის შეძენით სერიოზულად ინტერესდება, თუმცა საქმეში სხვა ევროპული კლუბებიც არიან.
ამ თემასთან დაკავშირებით, გავლენიანი გერმანული წყაროები ახალ ინფორმაციას ავრცელებენ — თორნიკე კვარაცხელიამ სამშაბათს, ბაიერნის 17-წლამდე გუნდში საცდელ მატჩში მიიღო მონაწილეობა, სადაც ქართველმა მაღალი ტექნიკური შესაძლებლობები აჩვენა.
როგორც იწერება, თორნიკემ საცდელი პერიოდის განმავლობაში კარგი შთაბეჭდილება დატოვა და 17-წლამდე გუნდში ულამაზესი გოლიც გაიტანა, თუმცა ვინაიდან საქართველო ევროკავშირის წევრი ქვეყანა არ არის, თორნიკე კვარაცხელიას მიუნხენურ გრანდში გადასვლა მხოლოდ 18 წლის ასაკში შეეძლება.
აღნიშნული პერიოდის გადასალახად ერთ-ერთ ვარიანტად იჯარით სხვა კლუბში თამაში განიხილება, მათ შორის შესაძლოა "Red & Gold's" პარტნიორი კლუბებიც.
შეგახსენებთ, რომ 2018 წელს მსგავსი მიზეზის გამო ჩაიშალა ხვიჩა კვარაცხელიას ტრანსფერიც — მაშინ ბაიერნი ქართველი ვარსკვლავის დამატებით სერიოზულად იყო დაინტერესებული, თუმცა ის მხოლოდ 16 წლის იყო და შესაბამისი იჯარის ვარიანტის მოძებნა ვერ მოხერხდა.
თუ ბაიერნი პარტნიორი კლუბის მეშვეობით თორნიკე კვარაცხელიას ტრანსფერის განხორციელებას შეძლებს, ქართველი ფეხბურთელი გუნდს 18 წლის შესრულების შემდეგ ოფიციალურად შეუერთდება.
