ცნობილია, რა თანხა გამოიმუშავა ვახტანგ ლოლუამ მსოფლიო ჩემპიონობით

საქართველოს მთავრობის განკარგულებით, ბერძნულ-რომაული სტილით ჭიდაობაში საქართველოს ეროვნული ნაკრების წევრს ვახტანგ ლოლუას, 2025 წლის მსოფლიო ჩემპიონატზე პირველ ადგილზე გასვლისთვის გადაეცემა 85 000 ლარი, დამატებით კი 65 000 ლარის ფულადი პრიზი.

გარდა ამისა, ძალისმიერი სამჭიდის მსოფლიო თამაშებში გამარჯვებისთვის ეროვნული ნაკრების წევრი თემურ სამხარაძე მიიღებს 40 000 ლარს.

ასევე, პარაძიუდოს ევროპის ჩემპიონატზე გუნდურ პირველობაში გამარჯვებისთვის საქართველოს ნაკრების წევრებს ჯამურად გადაეცემათ 102 000 ლარი და დამატებით 98 000 ლარი.

კალათბურთის ეროვნულ ნაკრებს, 2025 წლის ევროპის ჩემპიონატის ფინალურ ტურნირზე წარმატებული გამოსვლისთვის, გადაეცემათ 595 000 ლარი, ხოლო დამატებით პრიზის სახით — 2 405 000 ლარი.

ფუტსალის ეროვნულმა გუნდმა კი, 2026 წლის ევროპის ჩემპიონატის ფინალურ ტურნირში გასვლისთვის, მიიღოს 500 000 ლარი.