ეს პირველად მოხდა - რა შედეგი დააფიქსირა ალექსანდრა კუვაევამ ფარიკაობაში

ფარიკაობაში, საქართველოს სახელით მოასპარეზე ალექსანდრა კუვაევამ ხმლით მოფარიკავე იუნიორებს შორის უდიდეს წარმატებას მიაღწია.

კერძოდ, ალექსანდრამ თურქეთში ტურნირის მეხუთე საშეჯიბრო დღეს, ვერცხლის მედალი მოიპოვა.

საგულისხმოა, რომ ეს პირველი შემთხვევაა, როდესაც იუნიორ ქალთა კატეგორიაში ქართველმა სპორტსმენმა მედალი მოიგო.

ცნობისთვის, ალექსანდრამ მეოთხედფინალში იტალიელი მოწინააღმდეგე 15:10 დაამარცხა და ნახევარფინალში გავიდა. 

მომდევნო ეტაპზე მისი მეტოქე იტალიელი მოფარიკავე იყო, რომელსაც 15:11 სძლია და ფინალში იასპარეზა. 

რაც შეეხება ფინალს, ამ შეხვედრაში ალექსანდრამ 5:15 დათმო ბრძოლა და ტურნირი მეორე ადგილზე დაასრულა.