მხითარიანი სომხური ფეხბურთის ისტორიაში საუკეთესო მოთამაშე არ არის, გეტყვით ვინ არის ის - ყოფილი ფრანგი მცველი

საფრანგეთის ნაკრებისა და "რომას" ყოფილმა მცველმა ვინსენტ კანდელამ RB Sport-თან ინტერვიუში მისი აზრით, სომხეთის ნაკრების საუკეთესო ფეხბურთელი დაასახელა.

კანდელას თქმით, საუკეთესო სომეხი ფეხბურთელი საფრანგეთის ნაკრების ყოფილი შემტევი ნახევარმცველი იური ჯორკაეფია.

"მხითარიანი ჭკვიანი ფეხბურთელია. "რომას" შემადგენლობაში მისი თამაში არაერთხელ მინახავს, ახლა კი "ინტერის" ერთ-ერთი საკვანძო მოთამაშეა. 

ჩემი მეგობრისა და ყოფილი თანაგუნდელის, ეროვნებით სომეხი ფეხბურთელის, იური ჯორკაეფის დაბადების დღეზე ჩვენს შორის კომუნიკაცია შედგა და კიდევ ერთხელ დავრწმუნდი, ჰენრიხი როგორი ინტელექტუალური ადამიანია.

იური საფრანგეთის ნაკრების რიგებში მსოფლიო ჩემპიონი გახდა. ეჭვგარეშეა, რომ მხითარიანმა სომხური

ფეხბურთის ისტორიაში უდიდესი კვალი დატოვა. თუმცა ჩემი აზრით, ამ ქვეყნის საფეხბურთო ისტორიაში ჯორკაეფი საუკეთესოა", - განაცხადა კანდელამ.

შეგახსენებთ, მხითარიანი სომხეთის ეროვნული ნაკრების ღირსებას 2007/2022 წლებში იცავდა, ამ პერიოდის განმავლობაში ჰენრიხმა 95 მატჩში 32 გოლის გატანა მოახერხა.

ცნობისთვის, ერთა ლიგის B დივიზიონში ადგილის შესანარჩუნებლად საქართველოს ნაკრები C ლიგის მეორეადგილოსან სომხეთს დაუპირისპირდება - 20 მარტს გასვლაზე და 23 მარტს სახლში.