გოგლიჩიძის ტრანსფერით იუვენტუსი და ინტერი დაინტერესდნენ

ქართველი ლეგიონერი იტალიურ ლიგაში გამოსვლას წარმატებით განაგრძობს. მის გუნდს 9 ტურის შემდეგ მხოლოდ 6 გოლი აქვს გაშვებული. ქართველი მცველის მონაწილეობით დაკომპლექტებული დაცვის ხაზისთვის ეს საკმაოდ შთამბეჭდავი შედეგია. შესაბამისად, საბა გოგლიჩიძე არაერთი დიდი გუნდის რადარზე მოხვდა.

დიდი ინტერესიდან გამომდინარე, „პარმას“ და „ემპოლის“ ბოლო დაპირისპირებას იტალიური გრანდების სკაუტები დაესწრნენ. მათ შორის იყვნენ „მილანის“, „ინტერის“ და „იუვენტუსის“ წარმომადგენლებიც. ისინი სხვებთან ერთად, საბა გოგლიჩიძის პროგრესსაც აკვირდებოდნენ.

გოგლიჩიძე „ემპოლის“ შეუცვლელ ფეხბურთელად ჩამოყალიბდა, თუმცა გრანდების ინტერესიდან გამომდინარე იტალიურ კლუბს შესაძლოა მისი შენარჩუნება საკმაოდ გაუჭირდეს.