ოფიციალურად გაირკვა! - მიზეზი, თუ რატომ არ დაინიშნა კუკურელიას მომენტზე პენალტი

როგორც მოგეხსენებათ, გერმანიისა და ესპანეთის ნაკრებებს შორის მატჩში გულშემატკივრისთვის მეტად საკამათო მომენტი დაფიქსირდა. 

საუბარია ეპიზოდზე, როდესაც მარკ კუკურელიას საკუთარ საჯარიმოში ბურთი ხელზე მოხვდა, თუმცა მსაჯმა პენალტი არ დანიშნა.

როგორც თამაშის შემდეგ გაირკვა, გოლის გაუქმების ერთ-ერთი მიზეზი თამაშგარე მდგომარეობა იყო, როდესაც ნიკლას ფულკრუგი ამ მომენტამდე რამდენიმე წამით ადრე ოფსაიდში მოხვდა.

თუმცა, პენალტის არ დადების ოფიციალური მიზეზი ეს არ ყოფილა. ცნობილი გახდა, რომ ევრო 2024-ის წინ მსაჯებს მიეცათ მკაცრი მითითება, რომ თუ ბურთი ხვდება ხელს და ეს ხელი ვერტიკალურად დაბლა არის დაშვებული, სხეულთან ახლოს არ დაინიშნოს პენალტი.  

ასე და ამგვარად, კუკურელიას ეპიზოდიც სწორედ ამ კატეგორიას მიეკუთვნებოდა და ეს გახდა მთავარი მიზეზი თერთმეტმეტრიანის არ დანიშვნისა.