“ქუთაისმა“ ჩემპიონთა ლიგის საგზური მოიპოვა

მომავალი სეზონის ჩემპიონთა ლიგის გათამაშებაში მონაწილეობას ქართული საკალათბურთო კლუბი „ქუთაისიც“ მიიღებს. კოტე ტუღუშის გუნდი ასპარეზობაში საკვალიფიკაციო ეტაპიდან ჩაერთვება და ჯგუფში მოსახვედრად 3 ეტაპის გადალახვა მოუწევს.

„ქუთაისის“ მეტოქე პირველ ეტაპზე „პატრიოტი ლევიცე“ იქნება. სუპერლიგის მოქმედი ჩემპიონი სლოვაკური კლუბის დამარცხების შემთხვევაში, მომდევნო ეტაპზე ესტონურ კლუბ „კალევ/კრამოს“ დაუპირისპირდება.

ჩემპიონთა ლიგის საკვალიფიკაციო ეტაპიდან გამოთიშვის შემთხვევაში, „ქუთაისი“ ევროპის თასის ჯგუფურ ეტაპზე განაგრძობს ბრძოლას.