ნონა გაფრინდაშვილი საქართველოს პატრიარქს ემოციურად გამოემშვიდობა

93 წლის ასაკში საქართველოს კათალიკოს პატრიარქი ილია მეორე გარდაიცვალა. პატრიარქის გარდაცველებას ძალიან ბევრი ადამიანი გამოეხმაურა. მათ შორის მოჭადრაკე და მსოფლიოს ხუთგზის ჩემპიონი ნონა გაფრინდაშვილიც.

„მადლობით მინდა დავიწყო, უწმინდესო და უნეტარესო მადლობა თითოეული დღისთვის, გატარებული ფიქრში, რომ დაგეცვათ და გაგემტკიცებინათ ენა, მამული, სარწმუნოება. მადლობა ჩვენი ტრადიციების, ოჯახური ღირებულებების და ღირსების დაცვისთვის. მე მინდა თანავუგრძნო მთლიანად საქართველოს.

ჩვენი პატრიარქი ეპოქალური მოღვაწეა და მისი გარდაცვალება დიდი დანაკლისია, როგორც ჩვენი ქვეყნის, ისე მთლიანად ქრისტიანული სამყაროსთვის“, - განაცხადა ნონა გაფრინდაშვილმა  „რუსთავი 2-ის“ ეთერში.