"ჯერ ჩვენ უნდა დაგვეხმაროს და შემდეგ..." - ქეცბას თორნიკეს სამომავლო გეგმა დაასახელა

მიხეილ მესხის სახელობის სტადიონზე თბილისის დინამოსა და ჟალგირისს შორის კონფერენს ლიგის საკვალიფიკაციო ეტაპის მეორე რაუნდის პირველი შეხვედრა გაიმართა.

ჩვენმა გუნდმა სტუმრები ანგარიშით 3:0 დაამარცხა - ქეცბას მასტერკლასი.

ასევე აღსანიშნავია, 16 წლის თორნიკე კვარაცხელიას ძალიან მაგარი თამაში, რომელმაც ძირითად გუნდში სასტარტო შემადგენლობიდან სადებიუტო მატჩი ჩაატარა.

მატჩის შემდეგ ქეცბამ პატარა კვარას შესახებ თქვა:

"პირველივე დღიდან ვთქვი, რომ მას დიდი მომავალი ელოდება. კარგია, რომ შრომა უყვარს და ვარჯიშზე ყოველთვის ბევრს მუშაობს. თამაშის დროსაც ბევრს შრომობს.

ვიმედოვნებ, იმედებს გაამართლებს - ჯერ ჩვენ დაგვეხმარება, შემდეგ კი დიდ გუნდში, მაღალ დონეზე გადავა და იქ ითამაშებს"

ცნობისთვის, გუნდებს შორის განმეორებითი შეხვედრა 30 ივლისს გაიმართება.