პასუხი არ დააყოვნა - რა განაცხადა ილიამ არმან ცარუკიანზე

მას შემდეგ, რაც ილია თოფურიამ ჩარლზ ოლივეირასთან მსუბუქი წონის ჩემპიონობა მოიპოვა, "ელ მატადორთან" ბრძოლის სურვილი არაერთმა მებრძოლმა გამოთქვა.

ერთ-ერთი ასეთი არმან ცარუკიანია, რომელიც ბოლო რამდენიმე დღეა ქართველთან შეხვედრას აქტიურად ითხოვს.

აღსანიშნავია, რომ სომეხმა მებრძოლმა თოფურიაზე ამჯერად დამცინავი პოსტი გამოაქვეყნა.

"დღის სახალისო ფაქტი ილიაზე: თოფურიას პიკში მყოფ მებრძოლთან არასდროს უჩხუბია", - წერს სოციალურ ქსელში ცარუკიანი.

ამას ილიამ უპასუხა:

ამით ფაქტობრივად ამბობს, რომ არ ვებრძოლო, რადგან თავადაც არ არის პრაიმში. ბოლო ბრძოლასაც კი ჩაეხსნა. ფიქრობს, რომ ამ ლაპარაკით მიზანს მიაღწევს, მაგრამ საყინულეში დიდხანს მოუწევს ყოფნა.