UFC-მ რეიტინგი განაახლა - ცნობილია, რომელ ადგილზე არიან თოფურია და დვალიშვილი

ლას ვეგასში ჩატარებული UFC 320-ის შემდეგ შერეული ორთაბრძოლების ყველაზე გავლენიანმა ორგანიზაციამ ყველა წონის გაერთიანებული რეიტინგი (P4P) განაახლა.

რეიტინგის ლიდერი კვლავ ილია თოფურიაა, რომელმაც ივნისში ბრაზილიელი ჩარლზ ოლივეირა დაამარცხა და მსუბუქი წონის საჩემპიონო ქამარს დაეუფლა. მესამე ადგილზე დარჩა მერაბ დვალიშვილი, რომელმაც UFC 320-ზე კორი სენდჰეგენს სძლია და სუპერმსუბუქი დივიზიონის ქამარი მესამედ დაიცვა.

რეიტინგში ოთხი საფეხურით დაწინაურდა და მეექვსეა ქვემძიმე წონის ახალი ჩემპიონი ალექს პერეირა. ბრაზილიელმა მებრძოლმა სატიტულო ბრძოლაში მაგომედ ანკალაევი პირველ რაუნდში ნოკაუტით დაამარცხა.

UFC-ს ყველა წონის გაერთიანებული რეიტინგი (P4P):

1. ილია თოფურია (საქართველო)
2. ისლამ მახაჩევი (რუსეთი)
3. მერაბ დვალიშვილი (საქართველო)
4. ხამზატ ჩიმაევი (არაბთა გაერთიანებული საამიროები)
5. ალექსანდერ პანტოჟა (ბრაზილია)
6. ალექს პერეირა (ბრაზილია)
7. ალექსანდერ ვოლკანოვსკი (ავსტრალია)
8. ჯეკ დელა მადალენა (ავსტრალია)
9. ტომ ასპინალი (ინგლისი)
10. დრიკუს დუ პლესი (სამხრეთ აფრიკა)
11. მაგომედ ანკალაევი (რუსეთი)
12. მაქს ჰოლოუეი (აშშ)
13. ბელალ მუჰამედი (აშშ)
14. არმან ცარუკიანი (სომხეთი)
15. შავკატ რახმანოვი (ყაზახეთი)