"არ მჯერა! ზივზივაძემ თავისი თამაშით ამდენი ევრო მომაგებინა" - რას წერს "კარლსრუეს" ფანი მატჩის შემდეგ

ბუნდესლიგა 2-ის მე-17 ტურში ბუდუ ზივზივაძის "კარლსრუე" "პადერბორნს" ესტუმრა და ანგარიშით 1:2 დაამარცხა, რითაც ის ჩემპიონატში გალიდერდა.

ზივზივაძეს ამ გამარჯვებაში უდიდესი წვლილი აქვს - ბუდუმ ჯერ საგოლე პასი ჩაიწერა, შემდეგ კი გოლი გაიტანა.

ქართველმა შემტევმა მისი დღევანდელი თამაშით "კარლსრუეს" ერთ-ერთი ქომაგი განსაკუთრებულად გაახარა.

სოციალურ მედიაში გერმანელი ფანი წერს, რომ მას ზივზივაძის გოლს+ასისტზე თანხა ედო და ეს პროგნოზი გამართლდა.

როგორც თავად წერს, მან სულ მცირე დადებული თანხით 4500 ევრო მოიგო:

"არ მჯერა! ზივზივაძემ თავისი მაგარი თამაშით 4500 ევრო მომაგებინა. ბუდუ მადლობა, გაგვიძეხი ბუნდესლიგისკენ!", - წერს ქომაგი.

ცნობისთვის, ქართველს მიმდინარე სეზონში უკვე 14 გოლი და 4 საგოლე პასი დაუგროვდა, უშუალოდ ჩემპიონატში 12 გოლი და 3 საგოლე პასი, რითიც ის ბუნდესლიგა 2-ის საუკეთესო ბომბარდირია.