“ილია თოფურიამ ვოლკანოვსკი ამ მიზეზის გამო დაამარცხა” - რას ამბობს რონალდუ “ელ-მატადორზე”

როგორც მოგეხსენებათ, UFC-308-ზე ილია თოფურიამ ლეგანდარული მოჩხუბარი მაქს ჰოლოვეი მე-3 რაუნდში დაანოკაუტა და ქამარი პირველად დაიცვა.

ამ ჩხუბამდე რამდენიმე დღის ადრე კრიშტიანუ რონალდუ მეგობრებთან ერთად ლაპარაკობდა, ეს ყველაფერი კი სულ ცოტა ხნის წინ გავრცელდა:

“მომწონს მაქსი, ძლიერი მებრძოლია. თოფურია ბევრს ლაპარაკობს. ვფიქრობ, როდესაც მან ვოლკანოვსკი დაამარცხა, ვოლკი ისლამთან დანოკაუტების შემდეგ სრულად არ იყო გამოჯანმრთელებული.”

“თოფურიას ტოპ მებრძოლები ჯერ არ დაუმარცხებია, თუ ის მაქსს დაამარცხებს, მაშინ პატივს ვცემ. ჰოლოუეი ჯერ არავის დაუნოკაუტებია, ამიტომაც ეს ბრძოლა თოფურიასთვის რთული იქნება.” - განაცხადა რონალდუმ.