ფრანჩესკო ტოტი ფეხბურთელის კარიერას უბრუნდება - ახალი გუნდი არჩეულია

ლეგენდარულმა ფეხბურთელმა საფეხბურთო კარიერა 2017 წელს დაასრულა, „რომას“ ძირითად შემადგენლობაში 25 სეზონის გატარების შემდეგ. 785 შეხვედრის, 307 გოლისა და 207 საგოლე პასის შემდეგ, იგი გულშემატკივრებს ემოციურად დაემშვიდობა. თუმცა, უახლესი ინფორმაციის თანახმად, იგი შესაძლოა კვლავ ვიხილოთ მოედანზე.

La Repubblica-ს განცხადებით, ფრანჩესკო ტოტი საფეხბურთო კარიერის განახლებას განიხილავს და მან უკვე რამდენიმე გუნდისგანაც მიიღო შეთავაზება. ყველაზე აქტიურად მოლაპარაკებები „კომოსთან“ მიმდინარეობს. სესკ ფაბრეგასის გუნდი იტალიელ ლეგენდას სეზონის ბოლომდე სთავაზობს კონტრაქტს.

სერია A-ს და მუნდიალის გამარჯვებული შესაძლოა მალე ისევ ვიხილოთ იტალიური გუნდის შემადგენლობაში.