საქართველო მსოფლიო ჩემპიონატზე მეორე ადგილზე გავიდა - მედლების სია

ტირანაში 23 წლამდე ბერძნულ-რომაული სტილით მოჭიდავეებს შორის გამართული მსოფლიო ჩემპიონატი დასრულდა. ქართველი მოჭიდავეები გუნდური შედეგის თანახმად საერთო ჯამში მეორე ადგილზე გავიდნენ. გუნდური ასპარეზობის რეიტინგზე მნიშვნელოვანი გავლენა მოახდინა ტურნირის ბოლო დღეს გამართულმა დაპირისპირებებმა.

ბრინჯაოს მედლის მოსაპოვებლად გამართულ დაპირისპირებებში აჩიკო ბოლქვაძემ (87კგ) იარანელი იასინ იაზდი, ხოლო გიორგი ცოფურაშვილმა (130კგ) ალბერტ ვარდანიანი დაამარცხეს. ისინი ტურნირის ბოლო დღეს ნაჩვენები შედეგის დამსახურებით ქართველ ბრინჯაოს მედალოსნებს, ფრიდონ აბულაძეს (60კგ) და დათა ჩხაიძეს (82კგ) შეუერთდნენ. 

4 ბრინჯაოსთან ერთად, საქართველოს ნაკრებმა ტურნირზე კიდევ 2 მედალი მოიპოვა. გიორგი ჩხიკვაძემ ქვეყანა ოქროს მედლის მოგებით ასახელა, ხოლო დიეგო ჩხიკვაძემ ვერცხლის მედლის მოპოვება შეძლო. საერთო ჯამში გუნდური ასპარეზობა ქართველმა მოჭიდავეებმა 6 მედლითა და ტურნირზე მეორე ადგილზე გასვლით დაასრულეს.