"თოფურიას ბრძოლას ეს ძალიან ცუდი მომენტი ახლავს..." - დანა ვაითის განცხადება

როგორც მოგეხსენებათ, 26 ოქტომბერს აბუ დაბიში ილია თოფურია მაქს ჰოლოუეის წინააღმდეგ ქამარს დაიცავს.

ქართველი მებრძოლისთვის ჩემპიონის სტატუსით ეს პირველი ბრძოლა იქნება.

ამ დაპირისპირებასთან დაკავშირებით UFC-ის პრეზიდენტმა, დანა ვაითმა კომენტარი გააკეთა:

"თოფურიასა და ჰოლოუეის ბრძოლას ერთი ძალიან ცუდი მომენტი ახლავს თან. ორივე მებრძოლი მომწონს და სამწუხაროა, რომ ერთ-ერთი მათგანი ოქტაგონს წაგებული დატოვებს. მაქსი ყველა დროის ერთ-ერთი საუკეთესო მებრძოლია, BMF-ის ქამრის მფლობელი და უბრალოდ კარგი ადამიანი. ილია კი ნამდვილი როკვარსკვლავია"

"ძალიან მაგარი ბრძოლა იქნება. მეზიზღება იმ ფაქტზე ფიქრი, რომ ერთ-ერთი მათგანი დამარცხებული იქნება. რაც შეეხება ჩემს პროგნოზს, წარმოდგენა არ მაქვს, ნებისმიერი რამ შეიძლება მოხდეს“, - თქვა დანა ვაითმა.