ქართველი ძიუდოისტების ოპონენტები აბუ დაბის გრანდ სლემზე - სრული სია

არაბეთის გაერთიანებული საამიროების დედაქალაქში 11-13 ოქტომბერს გრანდ სლემი დაიწყება. აბუ დაბიში გასამართ ტურნირზე 9 ქართველი ძიუდოისტი იასპარეზებს. მათ შორის, 60 კგ-მდე წონით კატეგორიაში გამომსვლელ ლუკა მოდებაძეს ლიბანელი ფელიპე დაკრუზი დაუპირისპირდება. იგივე წონით კატეგორიაში ინკა ხუზაურაშვილი აზერბაიჯანელი ჰუსეინ ალაიჰაროვის წინააღმდეგ გამართავს შეხვედრას.

66 კგ-ის კატეგორიაში ლაშა ნადირაძის ოპონენტი კონგოს დემოკრატიული რესპუბლიკის წარმომადგენელი ჯოზიფია ბოლა იქნება. 73 კგ. წონის კატეგორიაში გიორგი ჩიხელიძე ტაჯიკეთის წარმომადგენელს, ბეჰრუზი ხოჯაზოდას შეხვდება, ხოლო გიორგი ტერაშვილი ფილიპინელ ძიუდოისტს, ბრინ ქუიოლტესს. 

73 კგ.-ის კატეგორიაში ტაჯიკელი ბეჰრუზი ხოჯაზოდა და გიორგი ჩიხელიძე დაუპირისპირდებიან ერთმანეთს. აღნიშნული წონის მორიგ შეხვედრაში კი გიორგი ტერაშვილი ფილიპინელ ბრინ ქუიოლტესს შეხვდება. ქართველი ძიუდოისტები ასევე 81 კგ. წონის კატეგორიაშიც იბრძოლებენ. აღნიშნულ ეტაპზე ზაურ დვალიშვილი უნგრელ ბენედეკ ტოტის შეხვდება, ხოლო დიმიტრი გოჩილაძე კონგოელი ისრაელ ნზანგე ლინტოლოსა და უზბეკი სუხრობ ტურსუნოვს შორის გამარჯვებულს დაუპირისპირდება.

ლუკა ბაბუციძე წლევანდელი გრან სლემის ფარგლებში 90 კგ-მდე კატეგორიაში იასპარეზებს და მისი ოპონენტი ფილიპინელი რიან ზარკიე გარაი იქნება, ხოლო 100 კგ-ის კატეგორიაში მოასპარეზე მიხეილ ჯაფარიძეს ძიუდოს საერთაშორისო ფედერაციის სახელით გამომსვლელი რუს არმანი დაუპირისპირდება.