კარლოს საინსი 2025 წლიდან უილიამსს შეუერთდება

წლევანდელი F1-ის სეზონი „ფერარისთვის“ წარუმატებლად მიმდინარეობს. თუმცა, მომავალ წელს იტალიური გუნდის შემადგენლობაში დიდი ცვლილებებია დაგეგმილი. „ფერარის“ შემადგენლობას კარლოს საინსი დაემშვიდობება და მის ადგილს მსოფლიოს 7-გზის ჩემპიონი და სპორტის ლეგენდა, ლუის ჰამილტონი დაიკავებს.

29 წლის ესპანელი მრბოლელის მომავალი გუნდი ჯერ ოფიციალურად არ გარკვეულა, თუმცა მის გადასვლას ბრიტანულ გუნდში ელიან. Motorsport Week-ის ცნობით, კარლოს საინსი მომავალი სეზონიდან „უილიამსის“ ღირსებას დაიცავს. განცხადების თანახმად, მხარეებს შორის შეთანხმება უკვე მიღწეულია და ამის შესახებ ოფიციალური ინფორმაციაც უახლოეს დღეებში გამოქვეყნდება.

დიდი ალბათობით, საინსი „უილიამსის“ პილოტების სიას ამერიკელი მრბოლელის ნაცვლად შეუერთდება და ახალი გუნდისთვის ქულების მოპოვებას ალექსანდერ ალბონთან ერთად შეეცდება.