ვის შეხვდება „დინამო ბათუმი“ ჩემპიონთა ლიგაზე - ოპონენტი გამოვლინდა

ევროტურნირის წილისყრის შედეგად გამოვლინდა ის წყვილები, რომლებიც საკვალიფიკაციო ეტაპზე ერთმანეთს დაუპირისპირდებიან. „დინამო ბათუმი“ ამჯერად „რაზგრადის ლუდოგორეცს“ შეხვდება და მისი დამარცხებით შეეცდება შემდეგ ეტაპზე გადასვლას. ქართული გუნდი პირველ მატჩს სტუმრად, რაზგრადში გამართავს.

მეორე საკვალიფიკაციო ტურის წილისყრის შედეგად ასევე გაირკვა იმ მეტოქეების ვინაობაც, რომელსაც „დინამო ბათუმი“ პირველი ოპონენტის დაძლევის შემდეგ დაუპირისპირდება. გამარჯვების შემთხვევაში ბათუმელები „მინსკის დინამოს“ და „პიუნიკის“ წყვილში გამარჯვებულს შეხვდებიან.

ლიგის შესარჩევი ეტაპიდან გავარდნის შემთხვევაში, „დინამო ბათუმი“ კონფერენს ლიგის საკვალიფიკაციო ეტაპზე გააგრძელებს თამაშს. „ტნს“ და „დეჩიჩი“ წარმოადგენენ იმ ორ კლუბს, რომელთა შორის გამარჯვებულსაც „დინამო ბათუმი“ აღნიშნულ შემთხვევაში დაუპირისპირდება.