ბუდუ ზივზივაძე უკვე ბუნდესლიგის გუნდის განაცხადში - ტრანსფერი უცნაურად დადასტურდა

ბუდუ ზივზივაძე ჰამბურგულ კლუბში გადასვლასთან უკვე ახლოსაა. tag24-ის მიერ გამოქვეყნებული ინფორმაციის თანახმად, ქართველი ფეხბურთელის სახელი უკვე გუნდის საიტზე, მოთამაშეთა შემადგენლობაშიც კი ჩაწერეს. თუმცა, გერმანული მხარის წარმომადგენლებმა აღნიშნული დანამატი მალევე გააქრეს ვებგვერდიდან და ამ ფაქტს ტექნიკური ხარვეზი უწოდეს.

ეს ტრანსფერი ბუდუს გულშემატკივრებისათვის სიურპრიზი არ იქნება, რადგან გასულ კვირაში უკვე იწერებოდა მსგავსი სვლის შესახებ. Badische Nachrichten-ის ცნობით, "ზანკტ პაული" ქართველი ფეხბურთელის ყიდვაზე აქტიურად მუშაობდა. 

ზივზივაძის პოტენციური ახალი კლუბი რიგით მეორე ეშელონში ასპარეზობდა, თუმცა წელს ბუნდესლიგის უმაღლეს ლიგაში დაწინაურება შეძლო. შესაბამისად, შესაძლოა ქართველი ფეხბურთელი მომავალ სეზონში სწორედ ბუნდესლიგის მატჩებში ვიხილოთ.