"პირველ ტაიმში სხვა საქმე პრაქტიკულად არ ჰქონია" - როგორ შეაფასეს მამარდაშვილის თამაში

როგორც მოგეხსენებათ, ჩემპიონთა ლიგის ჯგუფური ეტაპის მე-5 ტურის შეხვედრაში "ლივერპულმა" "პსვ" სახლში მიიღო და 1:4 დამარცხდა.

შეხვედრის შემდეგ ბრიტანულ მედიაში გიორგი მამარდაშვილზე ალაპრაკდნენ:

"ალისონის ტრავმის შემდეგ სასტარტო შემადგენლობაში დაბრუნდა, მაგრამ ინატრებდა, რომ სათადარიგო სკამზე დარჩენილიყო, მას შემდეგ, რაც დაცვამ არაერთხელ საშინლად ითამაშა. პსვ-ს არცერთ გოლში დამნაშავე არ იყო", - Goal 

"პსვ-ს პენალტზე შანსი არ ჰქონდა, პირველ ტაიმში სხვა საქმე პრაქტიკულად არ ჰქონია. შესაძლოა, მეორე გოლში უფრო სწრაფად მოქმედება შეეძლო, მაგრამ მესამე-მეოთხე გოლები მისი ბრალი ნამდვილად არ ყოფილა", - Liverpool echo.

"ზოგჯერ მან თამაშში ბურთის ნელი ტემპით შეყვანით გააღიზიანა პუბლიკა, მაგრამ სამართლიანობისთვის უნდა ითქვას, რომ მის წინ დიდი მოძრაობა არ იყო. გაშვებულ გოლებშიც დიდად ვერაფერს გახდებოდა", - Liverpool.com.