"ყველაფერს გავაკეთებთ, რომ წარმატებას მივაღწიოთ" - ირაკლი აზაროვი

საქართველოს ახალგაზრდული ნაკრების ვიცე-კაპიტანი, ირაკლი აზაროვი, ევროპის 2025 წლის ახალგაზრდული ჩემპიონატის სტარტის წინ იმედიან განწყობაზეა და გულშემატკივრებს მაღალი მოტივაციითა და შემართებით თამაში დაჰპირდა:

„ევრო 2025-ზე ძველებური შემართებით ვითამაშებთ და ყველაფერს გავაკეთებთ, რომ წარმატებას მივაღწიოთ“ – განაცხადა აზაროვმა პრესკონფერენციაზე.

ქართველები დღეს ტურნირზე პირველ ოფიციალურ მატჩს გამართავენ. გუნდი საკმაოდ ძლიერ ფორმაშია და ფედერაციის ინფორმაციით, ყველა მოთამაშე ჯანმრთელად და მოტივირებულად ხვდება პირველ შეხვედრას.

აქვე გეტყვით, რომ მატჩი თბილისის დროით 23:00 საათზე დაიწყება.