ოქროს ბურთი? კვარამ ამ კითხვას პირველად გასცა საჯაროდ პასუხი

2026 წლის ოქროს ბურთის ერთ-ერთ კანდიდატად ხვიჩა კვარაცხელია მიიჩნევა.

პსჟ-ს ქართველ ვინგერს მართლაც გამორჩეული სეზონის აქვს და ფავორიტად მიჩნევას ნამდვილად იმსახურებს.

ამასთან დაკავშირებით თავად კვარამ პირველად ისაუბრა.

ჟურნალისტმა მას ოქროს ბურთის შესაძლო მოგების და ხალხის დამოკიდებულების შესახებ ჰკითხა:

"სიმართლე გითხრათ, კი, ცოტათი ვგრძნობ ამას, მაგრამ მთავარი მე არ ვარ. იცით, უბრალოდ მინდა, რომ ჩვეულებრივი (უბრალო) დავრჩე. ვთამაშობ იმიტომ, რომ ეს მიყვარს. როცა მოედანზე გავდივარ, ვცდილობ ვისიამოვნო ამ საოცარ კლუბთან, საოცარ მწვრთნელთან და მის შტაბთან ერთად. ვცდილობ, ყოველი ვარჯიშით და თამაშით სიამოვნება მივიღო.

კი, ალბათ, ამ პერიოდში ცხოვრება ცოტათი შეიცვალა, მაგრამ მინდა ისეთივე თავმდაბალი დავრჩე. უბრალოდ ვაკეთებ იმ საქმეს, რომელიც მიყვარს და ვცდილობ, ამით ვისიამოვნო.

ვფიქრობ, ჩემპიონთა ლიგაზე ასეთი ასპარეზობა ჩემთვის მანამდე არ ყოფილა. მაგრამ, მინდა, რომ ასეც გავაგრძელო. ვიცი, ახლა რა საოცარი გრძნობაა ეს და მინდა, ეს რაც შეიძლება ხშირად განვიცადო. ამიტომ, ვეცდები, ყოველთვის ასე გავაკეთო".