როგორ დასრულდა ილია სულამანიძისა და ზელიმ კოცოიევის უკანასკნელი დაპირისპირება

როგორც მოგეხსენებათ, საფრანგეთის დედაქალაქ პარიზში მიმდინარე ოლიმპიადაზე, ძიუდოში 100 კილოგრამ წონით კატეგორიაში მოასპარეზე ილია სულამანიძე დანიელ აიხის დამარცხების შემდეგ ფინალში გავიდა.

ფინალურ შეხვედრაში ილიას მეტოქე აზერბაიჯანელი მოქმედი მსოფლიოს ჩემპიონი, ზელიმ კოცოიევი იქნება.

სულამანიძესა და კოცოიევს შორის ურთიერთშეხვედრებში სრული თანაფარდობაა 2:2.

ილიამ პირველად აზერბაიჯანელი მეტოქე 2021 წლის ევროპის ჩემპიონატზე დაამარცხა, მეორეჯერ კი 2022 წლის თელ-ავივის გრანდ სლემზე იმარჯვა.

კოცოიევმა სულამანიძის დამარცხება 2023 წლის მსოფლიოსა და ევროპის ჩემპიონატებზე შეძლო.

ცნობისთვის, კოცოიევმა ნახევარფინალში 2022 წლის მსოფლიო ჩემპიონი, უზბეკი ტურუბოევი დაამარცხა.