კონტეს პირველი ტრანსფერი - ნაპოლიმ რეალის მცველი იყიდა

ანტონიო კონტეს პირველი ტრანსფერით გუნდი დაცვას გააძლიერებს. „ნაპოლის“ წარმომადგენლებმა ესპანურ კლუბთან შეთანხმებას უკვე მიაღწიეს. „რეალ მადრიდის“ 22 წლის მცველი იტალიაში 12 მილიონი ევროს სანაცვლოდ გადავა. 

რაფა მარინი ახალ გუნდში 1.2 მილიონ ევროს მიიღებს ანაზღაურების სახით. მას „რეალთან“ 2026 წლამდე ჰქონდა გაფორმებული კონტრაქტი, თუმცა გუნდებს შორის შეთანხმების საფუძველზე იგი სამეფო კლუბს დატოვებს. 

მარინი წლევანდელ სეზონში „ალავესში“ იყო განათხოვრებული და ჯამში 35 მატჩის მიმდინარეობაში მიიღო მონაწილეობა.