მიქაუტაძის ახალი კლუბი ცნობილია - ქართველ ფეხბურთელს ლიგა 1 ელოდება

ნიდერლანდური წყაროების მიერ გავრცელებული ინფორმაციის მიხედვით, ქართველი ფეხბურთელი „მეცმა“ ოფიციალურად გამოისყიდა. ფრანგულმა კლუბმა გიორგი მიქაუტაძის გამოსყიდვის სანაცვლოდ 13 მილიონი ევრო გაიღო. 

მიქაუტაძე ფრანგულ კლუბში იჯარით იყო განათხოვრებული, თუმცა როგორც ჩანს იგი „აიაქსში“ დაბრუნების ნაცვლად მომავალ სეზონს კვლავ საფრანგეთში გაატარებს. ამასთანავე, შესაძლოა ქართველი ფეხბურთელი ლიგა 1-ის მატჩებშიც იხილოს გულშემატკივარმა.

„მეცი“ და „სენტ ეტიენი“ მალე განმეორებით შეხვედრას გამართავენ, ორმატჩიანი პლეი ოფის გათამაშების ფარგლებში. აღნიშნული დაპირისპირების მოგების შემთხვევაში, გიორგი მიქაუტაძის გუნდი ლიგა 1-ში თამაშის უფლებას მოიპოვებს.