ჩელსის ახალი მწვრთნელის ვინაობა ცნობილია - კლუბმა პოჩეტინო საინტერესო კანდიდატურით ჩაანაცვლა

ლონდონური კლუბის თავკაცებმა საინტერესო კანდიდატზე შეაჩერეს არჩევანი. „ჩელსის“ პოტენციური მწვრთნელის ფინალურ კანდიდატებს შორის იყვნენ დე ძერბი, კირან მაკ-კენა, თომას ფრანკი და ენცო მარესკა.

„არისტოკრატებმა“ საბოლოოდ არჩევანი მარესკაზე შეაჩერეს. ფაბრიციო რომანოს განცხადებით, იტალიელი სპეციალისტი „ჩელსისთან“ მინიმუმ ორ წლიან ხელშეკრულებას გააფორმებს. მარესკას ამჟამად „ლესტერის“ მწვრთნელის პოზიცია უკავია, რის გამოც „ჩელსიმ“ შესაძლოა აღნიშნულ კლუბს 10 მილიონი ევრო გადაუხადოს კომპენსაციის სახით.

მარესკამ ცნობილი გუნდის მხრიდან მოწონება მას შემდეგ დაიმსახურა, რაც წლევანდელი სეზონი „ლესტერთან“ ერთად წარმატებით დახურა და გუნდი ჩემპიონშიპიდან ინგლისის უმაღლეს ლიგაში დააწინაურა.