ნაპოლიმ ახალი ვინგერის ყიდვა გადაწყვიტა - მანჩესტერის მოთამაშის აგენტთან მოლაპარაკებები უკვე დაიწყო

იტალიური კლუბის ირგვლივ უამრავი სატრანსფერო ჭორი ტრიალებს. „ნაპოლის“ მთავარი მიზანი ამ ზაფხულს კვარაცხელიას შენარჩუნება იქნება. თუ ხვიჩა იტალიაში დარჩება, მაშინ „ნაპოლის“ მარცხენა ფლანგზე შეტევის პრობლემა არ ექნება. შესაბამისად, აღნიშნული ფეხბურთელის სიტუაციის გარკვევამდე, იტალიელებმა მარჯვენა ფლანგის გაძლიერებაზე დაიწყეს ფიქრი.

„ნაპოლის“ წარმომადგენლებმა მეისონ გრინვუდის აგენტთან დაიწყეს მოლაპარაკება. ინგლისელი ფეხბურთელი „მანჩესტერს“ „ხეტაფეში“ ჰყავს განათხოვრებული. თუმცა, იტალიელებს მისი შეძენა სერიოზულად სურთ, ხოლო ინგლისური გრანდი გრინვუდის გაყიდვას აქტიურად ცდილობს. შემტევმა მიმდინარე სეზონში უკვე 10 გოლის გატანა და 6 საგოლე პასის გაკეთება მოახერხა. მიუხედავად ამისა, უახლესი ინფორმაციის მიხედვით ესპანური კლუბი მის გამოსყიდვას და დატოვებას მაინც არ გეგმავს.