რამხელა ხელფასს სთავაზობს ხვიჩას პსჟ? - შეთავაზება, რომელსაც ნაპოლის კონტრაქტი ვერ შეედრება

„ნაპოლი“ აქტიურად მუშაობს ხვიჩა კვარაცხელიას კონტრაქტის გახანგრძლივებაზე. თუმცა, აურელიო დე ლაურენტისის შეხვედრა ხვიჩას აგენტთან და ბადრი კვარაცხელიასთან კვლავ უშედეგოდ დასრულდა. იტალიური კლუბი ქართველი ფეხბურთელის შესანარჩუნებლად მზადაა მას 4 მილიონამდე გაუზარდოს ხელფასი, თუმცა ხვიჩას წარმომადგენლები მინიმუმ 5 მილიონს ითხოვენ.

კვარაცხელიასა და „ნაპოლის“ მხარეს შორის მოლაპარაკებებს ისიც ართულებს, რომ ქართველ ვარსკვლავს „პსჟ“ გაცილებით უკეთეს ანაზღაურებას ჰპირდება. Il Mattino-ს ცნობით, პარიზული გუნდი თანახმაა, რომ ხვიჩა კვარაცხელიას 8 მილიონი შესთავაზოს ხელფასის სახით. მსგავსი თანხის გადახდა ამ ეტაპზე იტალიური გუნდის მხრიდან სრულებით გამორიცხულია. აღსანიშნავია ისიც, რომ კვარაცხელია ამჟამად იტალიაში თამაშის სანაცვლოდ 1.5 მილიონ ევროს იღებს ხელფასის სახით.