ამერიკაში სავიზო შეზღუდვები ქართველ სპორტულ ჟურნალისტსაც შეეხო

სამწუხაროდ, მსოფლიო ჩემპიონატის გაშუქებასთან დაკავშირებით პრობლემა საქართველოსაც შეეხო. 

სარბიელის ჟურნალისტს, კობა ინასარიძეს, რომელიც მსოფლიო ჩემპიონატზე აკრედიტირებული ჟურნალისტია, ამერიკის ვიზა არ მისცეს. 

ბატონი კობა აკრედიტირებული ჟურნალისტი აქამდე როგორც ლონდონის ზაფხულის ოლიმპიურ თამაშებზე, ასევე ევროპის 2024 წლის ევროპის ჩემპიონატზეც იყო და გაშუქებასთან დაკავშირებით პრობლემა არ ჰქონია.

რა თქმა უნდა, სავიზო დარღვევაზე საუბარი უხერხულია. 

აი, თავად კობა ინასარიძის წერილი:

"პრობლემა, რომელსაც მსოფლიოს არა ერთი ქვეყნის არა ერთი ფეხბურთელი, ჟურნალისტი, მსაჯი თუ ოფიციალური პირი წააწყდა, მეც შემეხო. დაუჯერებლად მოჩანდა, რომ ფიფას მიერ აკრედიტირებულ ჟურნალისტს შეერთებული შტატების საკონსულო ვიზაზე უარს მეტყოდა!

მეტიც, გასაუბრებისას, როდესაც უკლებლივ ყველა მოთხოვნილ საბუთთან ერთად ფიფას აკრედიტაცია წარვადგინე, მკითხეს: ფიფას აკრედიტაცია რას ნიშნავსო?!

როგორც ჩანს, შეერთებული შტატების საკონსულომ არ იცის, რა ორგანიზაციაა ფიფა; არ იცის, რას ნიშნავს აკრედიტაცია და ეჭვი მაქვს, არც ის იცის, მათ ქვეყანაში მსოფლიოს ჩემპიონატი რომ ტარდება! სხვა მეტ-ნაკლებას ლოგიკური და დამაჯერებელი ახსნა მათ ქმედებას, უბრალოდ არ აქვს."