მისი თამაშის სანახავად პსჟ-ს წარმომადგენელი ჩავიდა - ვინ არის ქართველი, რომლითაც ფრანგული გუნდი დაინტერესდა

ბელგიურ პრესაში, იბერია 1999-ის 21 წლის ნახევარცველის, ნიკოლოზ დადიანის შესახებ ცნობები მომრავლდა.

როგორც იწერება, ახალგზარდა ფეხბურთელის დამატებით რამდენიმე სერიოზული გუნდი ინტერესდება:

"საქართველოს ახალგაზრდული ნაკრების ტალანტი ნიკოლოზ დადიანი არაერთი ბელგიური კლუბის ყურადღებას იპყრობს. მისი გადაბირება შარლერუას, ვარეგემსა და ლომელს სურთ, თუმცა, არის ინტერესი სხვა ქვეყნებიდანაც.

21 წლის ქართველი ნახევარმცველი სამშობლოში იბერია 1999-ის ღირსებას იცავს და 82 მატჩში 7 გოლი და 8 საგოლე პასი გააჩნია, ამასთან, ქვეყნის მოქმედი ჩემპიონიცაა. გასაკვირი არაა, რომ მას ბელგიის გარდა, იტალიაში, პორტუგალიასა და საფრანგეთშიც აკვირდებიან.

გუშინ საღამოს იბერიამ ბრატისლავაში სლოვანთან ჩემპიონთა ლიგის საკვალიფიკაციო მატჩი ჩაატარა, ჩვენი ინფორმაციით კი, მის სანახავად თამაშს ლომელის, პსჟ-სა და ვარეგემის წარმომადგენლები დაესწრნენ.

დადიანს ქართულ კლუბთან კონტრაქტი 2026 წლის 31 დეკემბრამდე აქვს, მის სანაცვლოდ კი, იბერია დაახლოებით 500-600 ათას ევროს ითხოვს. როგორც გავარკვიეთ, პირველი ნაბიჯი უკვე გადადგა შარლერუამ, რომელიც მზადაა 300 ათასი გაიღოს, ფეხბურთელის მომავალი ტრანსფერიდან კი ქართულ გუნდს 10% უწილადოს", - წერს Walfoot.be.