პარიზში დიდი ამბებია - პსჟ-ში ახალი მეკარე ითამაშებს

პარის სენ-ჟერმენი ზაიონ სუზუკის ტრანსფერზე მუშაობას აქტიურად აგრძელებს.

გავრცელებული ინფორმაციით, ბოლო დღეებში ფეხბურთელის, „პარმასა“ და პსჟ-ს წარმომადგენლებს შორის კონტაქტები უკვე შედგა და მოლაპარაკებები დადებითად მიმდინარეობს.

წყაროს ცნობით, პარიზული კლუბი იაპონელი მეკარის დამატებას სერიოზულად განიხილავს. ტრანსფერის განხორციელების შემთხვევაში კი არ არის გამორიცხული, სუზუკი თავდაპირველად იჯარით სხვა კლუბში გაუშვან.

ამავე ინფორმაციით, „იუვენტუსმა“ „პარმას“ ოფიციალური შეთავაზებაც წარუდგინა, თუმცა იტალიურმა კლუბმა ის უარყო.